سنوات عديده مرت علي جريمة العدو الصهيوني ولكنها لازالت حيه في الاذهان ولن تمت بالتاكيد لانها من العدو الاول الابدي
وفي هذه المذبحه كتب صلاح جاهين
الدرس انتهي
الدرس انتهي لموا الكراريس
بالدم اللي علي ورقهم سال
في قصر الامم المتحده
مسابقه لرسوم الاطفال
ايه رايك في البقع الحمرا
يا ضمير العالم يا عزيزي
دي لطفله مصريه وسمرا
كانت من اشطر تلاميذي
دمها راسم زهره
راسم راية ثوره
راسم وجه مؤامره
راسم خلق جباره
راسم نار
راسم عار
علي الصهيونيه والاستعمار
والدنيا العليهم صابره
وساكته علي فعل الاباليس
الدرس انتهي
لموا الكراريس
ايه راي رجال الفكر الحر
في الفكره دي المنقوشه بالدم
من طفل فقير مولود في المر
لكن كان حلو ضحوك الفم
دا الطفل الفلاح
راسم شمس الصباح
راسم شجرة تفاح
في جناين الاصلاح
راسم تمساح
بالف جناح
في دنيا مليانه بالاشباح
لكنها قلبها مرتاح
وساكته علي فعل الاباليس
الدرس انتهي لمـــــــــــــــــــــــــــــــــــــــوا الكراريس
